భగవంత్ కేసరి టాలీవుడ్ సినిమా రివ్యూ:

విశ్లేషణ:
నందమూరి బాలకృష్ణ సినిమా చూడటానికి థియేటర్ కి వెళ్తున్నామంటే ఏం ఎక్సపేక్ట్ చేయాలని ఒక ఐడియా ఉంటుంది. అలాగే అనిల్ రావిపూడి సినిమాల నుంచి ఏం కోరుకుంటున్నామో అనే ఐడియా కూడా ఉంటుంది. ఇద్దరు కలిసి చేసిన ప్రయత్నమే భగవంత్ కేసరి ముఖ్యంగా అనిల్ రావుపూడి బలం కామెడీ కానీ తను ఇప్పటివరకు చేసిన సినిమాలతో పోలిస్తే భగవంత్ కేసరి లో కామెడీ చాలా తక్కువగా ఉంటుంది. అనిల్ రావిపూడి ఎమోషన్స్ యాక్షన్ మీదే ఎక్కువ దృష్టి పెట్టాడు అలాగే బాలకృష్ణ సినిమా అంటే పెద్ద పెద్ద డైలాగులతో ఆడియన్స్ కు అలవాటైపోతుంది కానీ భగవంత్ కేసరి పంచ్ డైలాగులు కంటే పంచ్ లు ఎక్కువ వాడుతాడు ఇది సినిమాకు కొత్త ఫ్లేవర్ ను తీసుకువచ్చింది.
భగవంత్ కేసరి సినిమా కథ కొత్తది కాకపోయినా అనిల్ రావిపూడి దానిని నడిపిన విధానం కొత్తగా అనిపిస్తుంది. ఇంట్రడక్షన్ ఫైట్ ఆ తర్వాత శరత్ కుమార్ చిన్నప్పటి విద్య పాప నేపథ్యంలో వచ్చే సీన్లు చాలా సమయం తీసుకుంటాయి విజ్జి భగవంత్ కేసరి మధ్య బలమైన కనెక్షన్ ఎస్టాబ్లిష్ చేయాలనేది అనిల్ రావిపూడి ఫీలయ్యారు కానీ ఆ సీన్లు కొంచెం లెంత్ అనిపిస్తాయి. అర్జున్ రాంపాల్ పాత్ర పరిచయం చేసే సీన్లు మాత్రం వేగంగా సాగుతాయి. శ్రీ లీల వెంట అర్జున్ రాంపాల్ మనుషులు వెంటపడే సన్నివేశాన్ని డైరెక్టర్ చాలా కన్వీనెంట్గా రాసుకున్నట్లు అనిపిస్తుంది. కానీ కథ వేగం పుంజుకునేది అక్కడి నుంచే ఇంటర్వెల్ వరకు విడివిడిగా సాగిన కథలు ఒకదానితో ఒకటి కలిసేది అక్కడే. బాలకృష్ణ మార్క్ హై వోల్టేజ్ మాస్ యాక్షన్ సీన్ తో ఇంటర్వెల్ బోర్డు పడుతుంది.