PAWAN KALYAN HARIHARA VEERAMALLU
పవన్ కళ్యాణ్ హీరోగా, క్రియేటివ్‌ డైరెక్టర్ క్రిష్ జాగ‌ర్ల‌మూడి రూపొందిస్తోన్న ఫిల్మ్‌ హ‌రిహ‌ర వీర‌మ‌ల్లు. నిధి అగర్వాల్ నాయిక. మెగా సూర్యా ప్రొడ‌క్షన్ బ్యాన‌ర్‌పై లెజండ‌రీ ప్రొడ్యూస‌ర్ ఎ.ఎం. రత్నం సమర్పణలో నిర్మాత దయాకర్ రావు ఈ చిత్రాన్ని నిర్మిస్తున్నారు.
నేటి త‌రం ద‌ర్శ‌కుల్లో క్రిష్ త‌న ట్రేడ్‌మార్క్ అంశాల‌తో ఈ చిత్రాన్ని అపూర్వంగా తీర్చిదిద్దుతున్నారు. 17వ శ‌తాబ్దం నాటి మొఘ‌లాయిలు, కుతుబ్ షాహీల శ‌కం నేప‌థ్యంలో జ‌రిగే క‌థ‌తో, అత్య‌ద్భుత‌మైన విజువ‌ల్ ఫీస్ట్‌గా ఈ హ‌రిహ‌ర వీర‌మ‌ల్లు సినిమా రూపొందుతోంది. ఇది భార‌తీయ సినిమాలో ఇప్ప‌టిదాకా చెప్ప‌ని క‌థ. క‌చ్చితంగా ఈ చిత్రం ప్రేక్ష‌కుల‌కు ఒక మ‌ర‌పురాని అనుభ‌వాన్ని ఇస్తుంది.
ఏ విష‌యంలోనూ రాజీప‌డ‌ని ఉన్న‌త‌స్థాయి నిర్మాణ విలువ‌ల‌తో 150 కోట్లకు పైగా భారీ వ్యయంతో ఈ చిత్రాన్ని రూపొందిస్తున్నారు. పాన్‌-ఇండియా స్థాయిలో నిర్మాణ‌మ‌వుతోన్న ఈ సినిమాని తెలుగుతో పాటు హిందీ, త‌మిళ, మ‌ల‌యాళం భాష‌ల్లో ఏక కాలంలో విడుద‌ల చేయ‌నున్నారు. ఇటీవల ఈ చిత్ర నిర్మాత ఏ ఏం రత్నం గారు మాట్లాడుతూ అభిమానులు అందరికీ క్లారిటీ ఇచ్చారు ఈ చిత్రాన్ని వీలైనంత త్వరలో పూర్తిచేసి అభిమానుల ముందుకు తీసుకువస్తామని క్లారిటీ ఇచ్చారు.
పవన్ కళ్యాణ్ గారు రాజకీయాల్లో కూడా బిజీగా ఉండటం వల్ల ఈ సినిమా కావాల్సిన షూటింగ్ సమయాలని ఆయన షెడ్యూల్లో ఒక భాగంగా పెట్టుకుని మరి షూటింగ్ చేస్తున్నారు.