Karthi's Japan Movie Review

కథ:

హైద్రాబాద్‌లోని రాయల్ అనే అతి పెద్ద నగల షాపులో దొంగతనం జరుగుతుంది. రెండు వందల కోట్ల విలువైన నగలు ఎత్తుకెళ్తారు. అది జపాన్ చేశాడని పోలీసులు గుర్తిస్తారు. ఇక జపాన్ కోసం పోలీసులు వెతుకుతుంటారు. అప్పటికే దేశంలో జపాన్ మీద మోస్ట్ వాంటెడ్ అనే ముద్ర ఉంటుంది. కేరళ, కర్ణాటక ఇలా అన్ని రాష్ట్రాల పోలీసులు జపాన్‌ను పట్టుకోవాలని ప్రయత్నిస్తుంటారు. కానీ జపాన్‌కు అనుకూలంగా ఒక్క సాక్ష్యం కూడా దొరకదు. మామూలుగానే జపాన్‌కు బంగారం పిచ్చి తెరపై తనని తాను హీరోగా చూసుకోవాలనే పిచ్చితో ఉంటాడు. అందుకే తనకు ఇష్టమైన సంజు ను హీరోయిన్‌గా పెట్టి సినిమా తీసి గోల్డెన్ స్టార్ అవుతాడు జపాన్. రెండు వందల కోట్ల రాబరీ కేసులో జపాన్‌ ఎలా చిక్కుకుంటారు? ఆ దొంగ తనం చేసింది ఎవరు? చివరకు జపాన్ ఏమవుతాడు? అసలు జపాన్ ఫ్లాష్ బ్యాక్ ఏంటి? దొంగగా ఎందుకు మారతాడు? అన్నది థియేటర్లో చూడాల్సిందే.