Raviteja eagle movie out in sankranti race

రవితేజ లాస్ట్ ఇయర్ మూడు సినిమాలతో పలకరించారు. అందులో చిరుతో కలిసి నటించిన మల్టీస్టారర్ ‘వాల్తేరు వీరయ్య’ మంచి విజయం సాధించింది. ఆ తర్వాత చేసిన ‘రావణాసుర’ మాస్ రాజా కెరీర్‌లో బిగ్గెస్ట్ డిజాస్టర్‌గా నిలిచింది. అటు టైగర్ నాగేశ్వరరావు’ సినిమా పెద్దగా అలరించలేకపోయింది. . ఈ నేపథ్యంలో కార్తీక్ ఘట్టమనేని దర్శకత్వంలో ‘ఈగల్’ మూవీతో పలకరించనున్నారు. అంతేకాదు ఈ సినిమా సంక్రాంతి బరిలో ఉంటున్నట్లు ప్రకటించారు.

మాస్ మహారాజ రవితేజ హీరోగా వచ్చిన లేటెస్ట్ సినిమా టైగర్ నాగేశ్వరరావు. ప్యాన్ ఇండియా స్థాయిలో భారీగా వచ్చిన ఈ సినిమా దసరాకు విడుదలై అనుకున్న రేంజ్‌లో ఆకట్టుకోలేకపోయింది. ప్రస్తుతం ఆయన ఈగల్ అనే మూవీని చేస్తున్నారు

అయితే ఈ సినిమా విడుదల వాయిదా పడినట్లు తెలుస్తోంది. థియేటర్స్ కొరత కారణంగా ఈ సినిమాను వాయిదా వేశారట టీమ్. ఇప్పటికే సంక్రాంతి రేసులో గుంటూరు కారం, హనుమాన్, సైంధవ్, నా సామిరంగ వంటి సినిమాలు ఉండడంతో థియేటర్స్ కొరత భారీగా ఉంది. ఈ నేపథ్యంలో ఈగల్ టీమ్ తమ సినిమాను వాయిదా వేసుకుంటున్నట్లు తెలుస్తోంది. ఈ విషయంలో త్వరలో అధికారిక ప్రకటన విడుదలకానుంది. సంక్రాంతి బరిలో మహేష్ బాబు గుంటూరు కారం, హనుమాన్ మూవీలో జనవరి 12న విడుదల అవుతున్నట్లు ప్రకటించాయి. ఇక జనవరి 13న ఈగల్ మూవీ విడుదల కానుంది. అదే రోజు వెంకటేష్ ‘సైంధవ్’ మూవీ రిలీజ్ కాబోతుంది. దీంతో ఈగల్ సినిమాను వాయిదా వేశారట. ఇక జనవరి 14న నాగార్జున ‘నా సామి రంగ’ మూవీ విడుదల కానుంది
ఇక EAGLE సినిమాలో అనుపమ పరమేశ్వరన్, కావ్య థాపర్ హీరోయిన్స్‌గా నటిస్తుండగా.. నవదీప్, శ్రీనివాస్ అవసరాల, మధుబాల, ఇతర పాత్రల్లో కనిపించనున్నారు. ఈ సినిమాకు రచన, దర్శకత్వం, ఎడిటింగ్‌ను కార్తీక్ ఘట్టమనేని అందించనున్నారు. సంగీతం దావ్జాంద్ సమకూర్చుతుండగా.. విశ్వ ప్రసాద్, వివేక్ కూచిభొట్ల నిర్మించారు.