Animal Director Dream In Top Stars

ప్రభాస్ హీరోగా దర్శకుడు సందీప్ రెడ్డి వంగ స్పిరిట్ మూవీని ప్రకటించిన విషయం తెలిసిందే దీనికి సంబంధించి అప్డేట్ ఇచ్చారు.
యానిమల్ చిత్రంతో మంచి విజయాన్ని సొంతం చేసుకున్న దర్శకుడు సందీప్ రెడ్డి వంగ. ఈ సినిమా విడుదలకు ముందే ప్రభాస్ తో స్పిరిట్ మూవీ ప్రకటించారు. యానిమల్ మూవీ సక్సెస్ లో భాగంగా నిర్వహించిన ఓ ఇంటర్వ్యూలో పాల్గొన్న డైరెక్టర్ ఆ సినిమా అప్డేట్ ఇచ్చారు. తదుపరి ప్రాజెక్టుల గురించి మాట్లాడుతూ స్పిరిట్ సినిమాలో ప్రభాస్ నిజాయితీగల పోలీస్ అధికారిగా కనిపిస్తారని కథ దాదాపు పూర్తయిందని తెలిపారు. అలాగే మహేష్ బాబుతో కూడా తప్పకుండా సినిమా తెరకెక్కిస్తానని మరోసారి స్పష్టం చేశారు. భవిష్యత్తులో లేడీ ఓరియంటెడ్ సినిమా చేస్తానని అన్నారు. యానిమల్ కు సీక్వెల్ గా యానిమల్ పార్క్ ఉంటుందని చెప్పారు. అలాగే మానవ అక్రమ రవాణా ఇతివృత్తంగా షుగర్ ఫ్యాక్టరీ స్టోరీ రాశానని చెప్పారు.

గతంలో అర్జున్ రెడ్డి రీమేక్ ని హిందీ కబీర్ సింగ్ తో తీసి ప్రేక్షకులను మెప్పించిన సంగతి తెలిసిందే. సలార్ తో తాజాగా హిట్ కొట్టిన ప్రభాస్ కల్కి సినిమాతో బిజీగా ఉన్నారు మరోవైపు మారుతి దర్శకత్వంలో ఓ సినిమాలో నటిస్తున్నారు. స్పిరిట్ సినిమా కోసం తొలిసారి కాకి దుస్తులు ధరించినన్నారు. ఇంకా సెట్స్ పైకి వెళ్ళని ఈ చిత్రం పై ఇప్పటికే ప్రేక్షకుల్లో మంచి అంచనాలు ఏర్పడ్డాయి మరి సందీప్ రెడ్డి వంగ ముందుగా యానిమల్ పార్క్ పట్టాలెక్కిస్తారా లేదా స్పిరిట్ ను ప్రారంభిస్తారా వేచి చూడాలి.

అర్జున్‌ రెడ్డి’ ‘యానిమల్‌’, ‘కబీర్‌ సింగ్‌’ సినిమాల ద్వారా తిరుగులేని గుర్తింపును సంపాదించుకున్న సందీప్‌రెడ్డి ఓ ఇంటర్వ్యూలో ఈ ఆసక్తికరమైన విషయాన్ని వెల్లడించారు. సూపర్‌ స్టార్‌ షారూఖ్‌ ఖాన్‌, మెగాస్టార్‌ చిరంజీవితో భవిష్యత్తులో సినిమాలు చేసే ఆలోచన ఉందని తెలిపారు. త్వరలో ఆయన ప్రభాస్‌తో ‘స్పిరిట్‌’ సినిమాకు సన్నద్ధమవుతున్నారు. ఆ తర్వాత అల్లు అర్జున్‌ హీరోగా ఓ భారీ సినిమా చేయనున్నారు.