Shah Rukh Khan Dunki Teaser Release

బాలీవుడ్ స్టార్ హీరో షారుక్ ఖాన్ వరుస సినిమాలతో ఫుల్ జోష్ మీద ఉన్నాడు. ఇప్పటికే పఠాన్, జవాన్ సినిమాలతో సాలిడ్ బ్లాక్ బస్టర్ హిట్స్ కొట్టాడు. ఇప్పుడు మరో విభిన్నాత్మక చిత్రంతో అలరించేందుకు రెడీగా ఉన్నాడు షారుక్ ఖాన్. బాలీవుడ్ స్టార్ డైరెక్టర్ రాజ్ కుమార్ హిరాణీ దర్శకత్వంలో షారుక్ ఖాన్ నటించిన లేటెస్ట్ మూవీ Dunki. తాజాగా షారుక్ ఖాన్ 58వ పుట్టినరోజు సందర్భంగా నవంబర్ 2న గురువారం Dunki టీజర్ విడుదల చేశారు

విదేశాలకు వెళ్లాలనే నలుగురు స్నేహితుల కల చుట్టూ Dunki కథ తిరుగుతుంది. ఈ క్రమంలో ఆ నలుగురికి ఎన్నో సవాళ్లు ఎదురవుతాయి. యథార్థ సంఘటనల ఆధారంగా తీసుకున్న ఈ కథలో ప్రేమ, స్నేహ బంధాల గొప్పదనం చాటి చెప్పేలా ఉండనున్నట్లు తెలుస్తోంది. అలాగే Dunki సినిమాను రాజ్ కుమార్ హిరాణీ తన మార్క్‌ స్టైల్ వినోదభరితంగా తెరకెక్కించినట్లు టీజర్ చూస్తే అర్థమవుతోంది. ఈ సినిమాలో బొమన్ ఇరానీ, తాప్సీ పన్ను, విక్కీ కౌశల్, విక్రమ్ కొచ్చార్, అనిల్ గ్రోవర్ వంటి వారి పాత్రలను పరిచయం చేశారు.

Dunki సినిమాలో అన్ని పాత్రలకు ప్రాముఖ్యత ఉన్నట్టుగా కనిపిస్తోంది. ఈ క్రిస్మస్‌కు అందరి మనసులు గెలుచుకునేందుకు Dunki రానున్నట్లు వెల్లడించారు. అంటే క్రిస్మస్ కానుకగా ఈ ఏడాది డిసెంబర్ 22న Dunki మూవీ ప్రపంచవ్యాప్తంగా విడుదల కానుంది. కాగా జియో స్టూడియోస్, రెడ్ చిల్లీస్ ఎంటర్టైన్మెంట్, రాజ్ కుమార్ హిరాణీ ప్రజెంటేషన్ బ్యానర్లపై రాజ్ కుమార్ హిరాణీ, గౌరీ ఖాన్‌లు సంయుక్తంగా నిర్మాతలుగా వ్యవహరిస్తున్నారు.

Dunki కథను రాజ్ కుమార్ హిరాణీ తెరకెక్కించారు. అయితే, రాజ్ కుమార్ హిరాణి తీసిన సినిమాలు, చెప్పిన కథలు దేశ వ్యాప్తంగా అందరినీ ఆకట్టుకున్నాయి. మరోసారి సున్నితమైన ప్రేమ, స్నేహం అనే అంశాల చుట్టూ, హాస్యభరితంగా తెరకెక్కించిన డంకీ థియేటర్లో వచ్చేందుకు సిద్దంగా ఉంది. అంతేకాకుండా షారుక్ ఖాన్, రాజ్ కుమార్ హిరాణి కాంబోలో మొదటిసారిగా సినిమా వస్తుండటంతో అంచనాలు భారీ స్థాయిలో నెలకొన్నాయి.