animal beauty tripti dimri latest news
యానిమల్‌’ సినిమా విషయంలో రష్మిక పేరు ఎంత వినిపిస్తుందో, అందులో ఓ చిన్న పాత్ర చేసిన త్రిప్తి డిమ్రీ పేరు కూడా అంతే వినిపిస్తుంది. అందులో జోయాగా అందర్నీ ఆకట్టుకుంది త్రిప్తి. విశేషం, విచిత్రం ఏంటంటే.. తాజాగా ఇండియన్‌ మూవీ డేటాబేస్‌(IMDB) విడుదల చేసిన మోస్ట్‌ పాపులర్‌ హీరోయిన్ల లిస్ట్‌లో త్రిప్తి మొదటి స్థానంలో నిలిచింది. దాంతో ఈ అమ్మాయి టాక్‌ ఆఫ్‌ ది ఇండస్ట్రీ అయ్యింది. తాజాగా ఓ ఇంటర్‌వ్యూలో ఆసక్తికరమైన విషయాలు చెప్పింది త్రిప్తి. ‘ ‘యానిమల్‌’కి ముందు నా ఫాలోయర్స్‌ లక్షమంది.
ఇప్పుడు 36లక్షలమంది. ఈ సినిమా విడుదలకు ముందు నా పాత్ర విషయంలో ఆడియన్స్‌ స్పందన ఎలా ఉంటుందో అని భయం ఉండేది. నిద్రకూడా పట్టేదికాదు. ఇప్పుడు అందరూ మెచ్చుకుంటుంటే ఆనందంగా ఉంది’ అని చెప్పుకొచ్చింది త్రిప్తి. సౌత్‌ సినిమాల్లో అవకాశాల గురించి మాట్లాడుతూ ‘ ‘యానిమల్‌’ తర్వాత నేను కొన్ని సౌత్‌ సినిమాలకు సైన్‌ చేశానని రూమర్లు వినిపిస్తున్నాయి. వాటిని నమ్మొద్దు. నేను ఏ సౌత్‌ సినిమాకూ ఓ.కే చెప్పలేదు. అయితే, నాకు సౌత్‌ సినిమాలు చేయాలని బలంగా ఉంది. ముఖ్యంగా ఎన్టీయార్‌తో నటించాలని ఉంది. ఆ అవకాశం కోసం ఎదురుచూస్తున్నా అంటూ మనసులోమాట బయటపెట్టేసింది త్రిప్తి డిమ్రీ.