VIKRANTH SPARK TELUGU MOVIE RELEASE
యాక్షన్ త్రిల్లర్ స్పార్క్ నవంబర్ 17న విడుదల
యంగ్ హీరో విక్రాంత్.. అందాల ముద్దుగుమ్మ మెహరీన్ ఫిర్జాదా హీరో హీరోయిన్లుగా నటిస్తోన్న చిత్రం స్పార్క్ (Spark). ఈ సినిమాను భారీ బ‌డ్జెట్‌తో డెఫ్‌ ఫ్రాగ్‌ ప్రొడక్షన్ బ్యాన‌ర్‌పై నిర్మిస్తున్నారు. మే నెల‌లో పూజా కార్య‌క్ర‌మాల‌ను పూర్తి చేసుకున్న ఈ సినిమా ప్రస్తుతం ప్రీ ప్రొడక్షన్ ప‌నుల‌ను జరుపుకుంటోంది.. ఈ చిత్రాన్ని చేయ‌బోతున్న‌ట్లు ప్ర‌క‌టించినప్ప‌టి నుంచే సినిమాపై భారీ అంచ‌నాలు నెల‌కొన్నాయి. ఈ సినిమాకు ప్రముఖ మ్యూజిక్ డైరెక్టర్ హెష‌మ్ వ‌హాబ్‌ సంగీతం అందించనున్నరు.మ‌ల‌యాళ సూప‌ర్ హిట్ హృదయం సినిమాకు,విజ‌య్ దేవ‌ర‌కొండ – స‌మంత జంట‌గా న‌టించిన ఖుషి సినిమాకు మ్యూజిక్‌ను అందించారు.
‘స్పార్క్’ ట్రైలర్ ప్రారంభం చూస్తే… ఇదొక ప్రేమ కథ అనిపిస్తుంది. మెహరీన్, రుక్సార్… ఇద్దరితోనూ హీరో విక్రాంత్ లవ్ చేసే సీన్స్ ఉన్నాయి. బస్ స్టాపులో చూసిన రుక్సార్ వెంట హీరో పడితే… హీరోని ప్రేమలో పడేస్తాని చెప్పే అమ్మాయిగా మెహరీన్ కనిపించారు. స్టార్ కమెడియన్లు ‘వెన్నెల’ కిశోర్, సత్య కూడా కనిపించారు. అయితే… ఆ ఇద్దరు అమ్మాయిలతో తిరుగుతూ వాళ్ళను మోసం చేస్తున్నాడా? అని అనుమానం కలుగుతుంది. అయితే… కొద్ది క్షణాలు ట్రైలర్ యాక్షన్ అండ్ థ్రిల్లర్ టర్న్ తీసుకుంది.
ట్రైలర్ మొదలైన నిమిషం తర్వాత… ఓ అమ్మాయి తర్వాత మరొకరు, వరుసగా హత్యలకు గురైన అమ్మాయిలను చూపించారు. అవి చేసినది హీరో అన్నట్లు చూపించారు. హీరో వెనుక పోలీసులు ఎందుకు పడ్డారు? ఒకవేళ అతనే హత్యలు చేసినట్లు అయితే ఎందుకు చేశారు? ఆ మారణ హోమాన్ని ఎవరు ఆపారు? అనేది సిల్వర్ స్క్రీన్ మీద చూడాలి. బ్రహ్మాజీ, రాజా రవీంద్ర, షాయాజీ షిండే, శ్రీకాంత్ అయ్యంగార్, సుహాసినీ మణిరత్నం తదితరులు కీలక పాత్రల్లో కనిపించారు.విలన్ గురు సోమసుందరం సైతం ట్రైలర్లో కనిపించారు. ఈ చిత్రానికి కథ, స్క్రీన్ ప్లే అందించడంతో పాటు హీరో విక్రాంత్ దర్శకత్వం వహించారు. ఆల్రెడీ విడుదల అయిన పాటలకు మంచి స్పందన రావడం పట్ల విక్రాంత్ సంతోషం వ్యక్తం చేశారు