Vishnav Tej Aadikeshava Movie

ఆది కేశవ సినిమాతో మాస్ హీరోగా పేరు తెచ్చుకునే ఉద్దేశం తనకు లేదని వైష్ణవ్ తేజ్ చెప్పారు. అసలు నువ్వు హీరోవా అని అడిగితే నేను హీరో కాదు నటుడిని అని చెప్తా అన్నారు. తన మామయ్య అయినటువంటి పవన్ కళ్యాణ్ కూడా తనతో విభిన్నమైన కథలు చేసి మంచి నటుడిగా నిరూపించుకోమని చెప్పారని తెలిపారు. దర్శకుడు శ్రీకాంత్ కథ చెప్పినప్పుడు ఎంత బాగుందో దాన్ని ఎంత అద్భుతంగా ఆయన తెరకెక్కించారని వైష్ణవవ్ తేజ్ తెలిపారు. తనకి డాన్స్ రాకపోయినా చాలా కష్టపడి ఈ సినిమాలో డాన్స్ చేశానని శ్రీ లీల మద్దతుతో పూర్తి న్యాయం చేయగలిగానని వైష్ణవ్ తేజ్ తెలిపారు. సహజ సిద్ధమైన ఫైట్లతో ఉంటుందని, తనకు శ్రీ లీలకు మధ్య వచ్చే సన్నివేశాలు క్యూట్ గా ఉంటాయని సంభాషణలు సరదాగా ఉంటాయని అన్నారు. ఈ సినిమాతో టాలీవుడ్కు పరిచయం అవుతున్న మలయాళ నటుడు జోజు జార్జ్ చాలా మంచి పర్ఫామెన్స్ చేశారని చెప్పారు.ఆయన భోజన ప్రియుడని ఎప్పుడు ఎక్కడ ఫుడ్ బాగుంటుంది అని ఆరా తీసేవాడని చెప్పారు.పెద్ద నటుడు జాతీయ పురస్కార గ్రహీత అయినప్పటికీ చాలా సింపుల్ గా ఉండేవారని తెలిపారు